Sommarpraktikant i Regjeringskvartalet
Janagan Balasingham er sommarpraktikant i Statsbygg for andre året på rad. Også i år jobbar han med Regjeringskvartalet – denne gongen med merksemda retta mot rehabilitering etter terrorangrepet.
(13.07.2012)
– Etter nok eit år med betongkalkuleringar og prosjekteringsleiing ved NTNU skulle eg endeleg vende tilbake til Statsbygg for ein ny sommar på Noregs beste arbeidsstad. Eg jobba med R6-prosjektet (Regjeringskvartalet) i fjor, og gleda var dermed stor då eg fekk vite at eg skulle jobbe med Regjeringskvartalet i år òg. No med eit rehabiliteringsfokus etter hendingane sist sommar, skriv Janagan.
NTNU-studenten fortel meir om arbeidskvardagen sin i Statsbyggs Summer Internship-blogg.
Janagan blei òg intervjua av Byggeindustrien etter terrorangrepet på Regjeringskvartalet i fjor. Les intervjuet her.
Om Statsbygg Summer Internship
Summer Internship gir studentane eit heilskapleg innblikk i Statsbygg samtidig som dei får ei djupare forståing om dei enkelte avdelingane kvar av dei jobbar i. I tillegg gir programmet ein smakebit på kva arbeidslivet kan bringe etter studia. Programmet er òg positivt for Statsbygg. Det er eit godt hjelpemiddel for å knyte til seg talent, ta samfunnsansvar og for å profilere Statsbygg som arbeidsgivar.
Kontaktperson i Statsbygg:
Kommunikasjonsrådgivar Ida Aandal Røijen, tlf.: 451 36 778
Klikk på biletet for større format.
Janagan er sommarpraktikant i Statsbygg.
Foto: Fotogjengen ved Studentersamfundet i Trondhjem.