Arkitektur
Statsbygg byggjer morgondagens kulturminne og skriv ny norsk arkitekturhistorie med prosjekta sine. Vi skal leggje til rette for god arkitektur i alle prosjekt, både som byggherre, eigedomsutviklar og forvaltar.
Vår satsing over mange år har vore vellukka - vi har mottatt fleire
bransjeprisar. Det er resultatet av ei langsiktig og bevisst satsing på arkitektur. Staten skal vere eit førebilete for andre byggherrar, både offentlege og private.
Statsbygg arbeider kontinuerleg for å sikre god arkitektur i prosjekta. Ein byggherre med høge ambisjonar og mål er nødvendig for å skape eit godt byggverk. Samspelet mellom byggherrens ambisjonar og rådgjevarens kompetanse er sentralt for å få til eit godt resultat. Statsbygg skal stå fram som ein profesjonell, forutsigbar og krevande oppdragsgjevar som det er attraktivt å samarbeide med, uavhengig av konjunkturar og andre eksterne forhold.
Dei sentrale føringane for statens byggje- og anleggsverksemd er felt ned i Stortingsmelding nr. 61 (1991-92) Kultur i tiden og den tilhøyrande veileiinga Estetikk i statlige bygg og anlegg (Estetikkveilederen) frå 1996. Føringane blir konkretisert i statsbudsjettet, St.prp. nr. 1.
