Statsbygg

Statsbygg lea stáhta mávssolaš ráđđeaddi huksen- ja opmodatáššiin, hukseheaddji, opmodathálddašeaddji ja opmodatovddideaddji.

Statsbygg doaimmat

Statsbygg lea stáhta hálddašanfitnodat, mii gullá Ođasmahttin-, hálddahus- ja girkodepartemeantta vuollái. Statsbygg galgá fállat buriid ja doaibmi lanjaid stáhta doaimmaide, ja ollašuhttit servodatpolitihkalaš ulbmiliid, maid stohpohábmema, stáhta plánenberoštumiid, kulturmuitosuodjaleami ja birrasiid dáfus leat mearridan.

Dat mearkkaša, ahte mii rávvet lanjaid láigoheami ja dáluid oastima oktavuođas ja ođđa huksemiid oktavuođas, go mii leat hukseheaddjin stáhta ovddas.

Loga eanet organisašuvnnas, ulbmiliin ja strategiijain

Statsbygg hukseheaddjin

Hukseheaddjin mii plánet, sihkkarastit kvaliteahta, ráhkadit bušeahtaid ja čuovvulit huksenprošeavttaid. Iehčanas arkiteavttat, inšenevrafitnodagat ja huksenfitnodagat fas čađahit prošekterema ja huksema. Bures badjel 90 proseantta ođđa huksemiid goluin čoagganit ostojuvvon bálvalusain, maid ostet gilvalahttima vuođul. Statsbygg organisere, pláne ja čađaha oktanis sullii 160 prošeavtta – stuorábuid ja unnibuid, ja 20-30 stuorra prošeavtta gárvánit juohke jagi.

Eanaš dálut, maid mii huksehit, báhcet min háldui. Muhtun dáluid gal, nu mo eanaš universitehtadáluid, geavaheaddji eaiggáda ja hálddaša ieš, dahje geavaheaddji departemeanta dahká dan.

Loga Statsbygg huksenprošeavttain

Statsbygg opmodathálddašeaddjin

Statsbygg oamasta stáhta beales 2350 dálu, mat juohkásit 600 opmodatčoahkkin, mat leat sis- ja olgoriikkas. Olgoriikkas leat eanaš ambassádat ja resideanssat.  Sisriikkas leat earret eará Ráđđehusa kvartála, Alimusriekti, lága- ja diggerievttit, allaskuvllat, duollovisttit, museat, opera, giddagasat ja meahccebarttat. Daid láigohit stáhtii, mii daid geavaha. Statsbygg fuolaha das ahte opmodagaid hálddašit ja fuolahit bures.

• Ollislaš viidodat: 2,7 miljovnna m2
• Árvu: 30,9 miljárdda kr
• Boađut: 3,9 miljárdda kr
  – Eanaš boađut bohtet láigguin, maid opmodagaid geavaheaddjit/láigolaččat mákset

Loga eanet min opmodagain. 
Fina min kunddarsiidduin.

Ovddidanprošeavttat

Statsbygg galgá maid sihkkarastit stáhta beroštumiid stuorra opmodatovddidanprošeavttain, ja galgá earret eará leat mávssolaš oasálaš Fornebu-guovllu ovddideamis.

Statsbyggas leat 845 bargi, geain sullii bealli barget opmodagaid fuolahemiin. Váldokantuvra lea Oslos ja guovllukantuvrrat leat Oslos, Porsgrunnas, Bergenis, Troandimis ja Romssas.

Loga ovddidanprošeavttain

Čuovo min Facebookas!

Ole Johan Dahls hus, Oslo universitehta. Arkiteakta: Lund Hagem Arkitekter. Govven: Ivan Brodey

Finnmárkku allaskuvla, Álaheadju. Govven: Hans Haugejorden

Svalbárda globála siepmanrádju. Arkiteakta: Barlindhaug Consult. Govven: Jaro Hollan

Galledanguovddáš, Nidarosa duopmogirku, Troandin.
Arkiteakta: Eggen Arkitekter AS. Govven: HollanStudio