Handlingsplanen 2007-2010 har to klare mål for universell utforming i eksisterande bygningar: Setje av minimum 6 % av vedlikeholdsmiddel til UU-tiltak og Visa tilgjengelegheit for alle publikumsbygningar på nettstaden Bygg for alle.
Statsbygg gjennomførte i 2004-05 ei omfattande kartlegging av sine eigedommar. Målet med registreringa var å få oversikt over tilkomsten i dei enkelte bygningane, utbedringsbehova og moglege tiltak. Dei identifiserte behova og tiltaka vil bli lagt inn i vedlikehaldsplanane for dei enkelte eigedommane.
531 bygningar på til saman ca. 1,5 mill m2 er kartlagt. Svært få bygningar er heilt tilgjengelege for alle, men arbeidet har gitt Statsbygg ein unik posisjon i bransjen når det gjeld oversikt over tilkomsten i sine bygningar. Utfordringa blir no å gjennomføre dei tiltaka som er definerte og å vedlikehalde data.
Gjennomføring av tiltak
I 2005 ble det brukt 12 millionar kroner og i 2006 22 millionar kroner på tiltak for å betre tilkomsten. I 2007 er det planlagd å bruke 30 millionar kroner, dvs 10% av Statsbyggs vedlikehaldsbudsjett.
Eksempel på tiltak kan vere å montere automatiske døropnarar, å senke dørtersklar, å setje opp rampe ved inngangar, å montere rekkverk, å betre belysninga og å syte for kontrastmerking.
For å styrke merksemda omkring universell utforming, er det utarbeidd eit eksempelhefte med løysningar i Statsbyggs bygningar. Les eksempelheftet (3,5 MB, pdf).
Nokre eksempel
Sjå eksempel på utfordringer i eksisterande bygningar:
Statsbygg skal i stor grad ta vare på den kulturhistoriske verdien som bygningane våre har. Derfor er det viktig å finne riktig balanse mellom bruk og vern. Les meir om Statsbyggs arbeid med kulturminnevern. Les artikkelen om universell utforming til felles beste i Åpent rom nr. 1/2005.