Dømmesmoen – kva skjer etter 2010?
Universitetet i Agder, UiA flytter ut av lokala på Dømmesmoen i 2010. Som eigar av Dømmesmoen sidan 1996, ønskjer Statsbygg å vurdere den framtidige bruken av eigedommen som består av ei rekkje bygningar med kulturhistorisk verdi og eit frodig kulturlandskap.
Statsbygg har kulturhistoriske eigedommar som satsingsområde, og ønskjer å undersøke korleis ei framtidsretta handsaming og ein levande bruk av Dømmesmoen best kan takast vare på. Våren 2007 blei forprosjektet for utvikling og eigarstrategi for Dømmesmoen avslutta. Utfordringar knytta til korleis Statsbygg best mogleg kan ta vare på økonomiske og samfunnsmessige føringar som vi er pålagde, må klargjerast nærare i neste fase av prosjektet. Les meir om Dømmesmoen i Åpent rom nr. 2, 2007.