Slik gjer dei det ... i Sverige

Drottningholms slott

Statens fastighetsverk (SFV) forvaltar den nasjonale kulturarven i Sverige. Det er eigedommar som har ei vesentleg rolle i Sveriges historie, og som staten derfor bør eige. Desse eigedommane representerer store kultur- og samfunnsøkonomiske verdiar.

SFV har utvikla ein eigen forvaltingspolicy for dei einskilde eigedommane. For kvart bygg, anlegg, park eller utmarksområde skal det dessutan finnast klare mål som er skildra i eit forvaltingsprogram. SFV har som mål å forvalte kultureigedommane sine på ein mønsterverdig og inspirerande måte. Dei ønskjer at allmenta og leigetakarane skal kjenne medansvar i vedlikehaldet, så dei også i framtida skal ha glede av den kulturhistoriske verdien av eigedommane.

For å oppnå dette gir SFV særskild opplæring innan forvalting, verdivarande vedlikehald og utvikling av kulturhistoriske eigedommar.

Vi kan såleis oppsummere målsetjinga i Statens fastighetsverk i fire punkt:

• bevare og foredle den kulturhistoriske verdien
• engasjere allmenta
• utvikle eigedommane
• gi best moglege økonomiske resultat.

Ut frå desse fire punkta skal kulturarva forvaltast.