Den vesle campusen, som er tilhaldsstad for studentar innanfor skogbruk, utmarksforvaltning og bruksretta økologi, samarbeider tett med Statsbygg og forskarar frå FME ZEN om ny teknologi og miljøvennlege løysingar. Blant anna er dei 10 bygningane sjølvforsynte med fornybar energi frå flis til oppvarming og varmtvatn.

På Campus Evenstad i Innlandet har Statsbygg gjennom fleire år testa innovativ teknologi som legg til rette for nye løysingar, nødvendige for å realisere nullutslippssamfunnet.

Evenstad er Noregs mest sjølvforsynte campus med lokal fornybar energi. Eigen fornybar energi produserast ved hjelp av både solcellepanel, solfangarar, flisbasert CHP-maskin (Combined Heat and Power) og dessutan biokjel, og det er installert eit stasjonært batteri. Ein av fordelane er at eigedommen ikkje er like avhengig av innkjøpt energi, verken sommar eller vinter. Man har moglegheita til å kople seg frå nettet og vere i «øydrift» når straumen går.

Målet med mikronettet på campusen er bl.a. å ta ned effekttoppar og dermed redusere kostnader for brukarane, og dessutan bidra til betre forsyningssikkerheit. Det neste steget er å vidareutvikle styringssystemet slik at dei ulike ressursane blir utnytta mest mogleg effektivt.

Hausten 2019 demonstrerte Statsbygg for første gong i Noreg at ein kan overføre straum frå ein el-bil til bygg og straumnettet. Konseptet blir kalla Vehicle to Grid (V2G). Lading av stadig fleire elbilar påverkar kraftnettet, men representerer òg eit potensial for energifleksibilitet som kan utnyttast. Statsbygg har bygd sitt første nullutsleppsbygg i samsvar med ZEB-COM definisjonen i massivtre på campusen i 2017.

For å utvikle ei meir miljøvennleg bygge- og eigedomsdrift er Statsbygg avhengig av leigetakarar som Høgskolen i Innlandet, Campus Evenstad. Brukarar som ser kor viktig det er å prioritere miljø, og som er opne for nye løysingar, gjer at vi får testa ut ny teknologi og dermed redusert klimafotavtrykket til statlege eigedommar.