Dïhte orre museume Snåasesne sæjhta åehpiedehtemem åarjelsaemien identiteeteste, gïeleste jïh kultuvreste nænnoestidh.

Saemien Sijte lea åarjelsaemien museume jïh kultuvrejarnge Snåasesne Trööndelagesne. Daan beajjetje gåetie lea 1970-låhkoen minngiegietjeste. Daate gåetie onne jïh vaenie maerele, jïh daerpies gåetiem bueriedidh juktie barkoebyjresen krïevenassh gorredidh jïh hööptedh olles stoerre skaarah gåetesne sjïdth.

Daelie edtja dam orre museumem Horjem-njuanesne Snåasesne bigkedh, akte gåetiesijjie eatnamisnie mij sæjhta hijven nuepieh vedtedh åarjelsaemien kultuvrem åehpiedehtedh. Dïhte orre gåetie lea aktene plaanesne. Gåetien sisnie vuesiehtimmie-areaale, museumen magasijnh, vierhkiesijjieh saemien vætnose, gærjagåetie, prïhtjhgåetie jïh museumebovre. Dïhte orre gåetie edtja maehtedh raajan 15 000 guessieh dåastoehtidh fïerhten jaepien.

Goh aajnehke åarjelsaemien museume Saemien Sijte nasjonaale dïedtem åtna åarjelsaemien kultuvrem dokumenteradidh, vaarjelidh, dotkedh jïh åehpiedehtedh. Vihkeles bielie barkoste lea kultuvremojhtesh, aerpievuekien daajroem jïh histovrijem dokumenteradidh.

Daanbien museume daeverh, guvvieh, tjoejebaantedimmieh jïh våarhkoematerijaalem dååste jïh vöörhkie. Dïhte orre museume edtja nuekie stoerre magasijnem utnedh guktie maahta museumen vaarjelimmievyörtegs daeverh reeredh jïh vaarjelidh jearsoes magasijnine. Museumebarkoen baalte Saemien Sijte edtja kultuvregyhtjelassigujmie jïh båetijen aejkien darjomigujmie barkedh.

Saetniesdaajroeh

Barkoevedtije: Kultuvredepartemeente
Utnije: Saemien Sijte –åarjelsaemien museume jïh kultuvrejarnge
Tjåadtjoehtæjja bigkemen åvteste: Statsbygg
Entreprenööre: Grande Entreprenør AS (ellies-entreprise). Fur Arkitekter jïh Sweco prosjekterer
Brutto gåetieareale 1600 kvadratmeeterh
Statuse: Gaervies goeven 2021.
Åasamierie: 118 millijovnh kråvnah

Govlehtæjja

Brit Helene Øygard

Prosjekten åvtehke

913 13 770

Seedth e-påastem