I slutten av juni kåra juryen to vinnarar i arkitektkonkurransen – «Adapt» og «Lysning». Juryrapporten, og dermed også rangeringa mellom dei to vinnarane, har vore unntatt offentlegheit mens Statsbygg har ført forhandlingar med dei to prosjekteringsgruppene bak vinnarforslaga. No er forhandlingane ferdige og rapporten gjort kjent. Den viser at juryen held «Adapt», teikna av Team Urbis, som ein klar vinnar. «Adapt» er også det løysingsforslaget som Statsbygg vil gå vidare med.

Særprega pyramidebygg

Juryen er rosande i beskrivinga si av «Adapt» og skriv blant anna: «Det pyramidale bygget på A-feltet ved Johan Nygaardsvolds plass er særdeles godt plassert. Bygget vil gi det nye regjeringskvartalet et samlende uttrykk og et særpreget bygg fra vår tid.»

Vidare er juryen tydeleg på at: «Konseptet er enkelt og sterkt og tåler justeringer ved videre bearbeiding. Det er særdeles tilpasningsdyktig for eventuelle endrete programkrav. «Adapt» svarer overbevisende på alle kriteriene for bedømmelse.»

Juryen liker også korleis forslaget speler på lag med resten av byen: «Kontorbyggene i Grubbegata og ved Einar Gerhardsens plass er særdeles godt tilpasset. Volumene er også fint nedskalert mot Møllergata og Youngstorget og ivaretar kulturmiljø og torg. Samspillet mellom bygninger og byrom er særdeles godt og forslaget har tre gjennomarbeidete byrom i Regjeringsparken, Einar Gerhardsens plass og Johan Nygaardsvolds plass med hver sin identitet og rolle i kvartalet.»

Dei indre sakene

Også i omtalen av regjeringskvartalet som ein stor kontorarbeidsplass er juryen imponert over «Adapt»: «Fellesfunksjonene er særdeles godt plassert og arbeidsplass-sonene gunstig utformet både for samhandling og effektiviteten i departementsfellesskapet.»