I kraft av utvikling og forbetring av prosjektet har det vore behov for å gjere enkelte endringar i reguleringsplanen for nytt regjeringskvartal som vart vedtatt 10. februar 2017.

Endringane legg blant anna til rette for nytt inngangsparti til 22. juli-senteret på Johan Nygaardsvolds plass, og ei meir fleksibel løysing for perimetersikringa på Youngstorget.

Statsbygg varsla oppstart av planarbeidet 6. august 2019, med brev til offentlege instansar og naboar det vedkjem, 12. september 2019.

Planforslaget var på høyring frå 2. februar til 16. mars 2020. Oslo kommune fekk etter ønske utsett høyringsfristen til 22. april 2020. Kommunal- og moderniseringsdepartementet vedtok 1. september 2020 endringar i reguleringsplanen:

Utviding av planavgrensing ved Trefoldighetskirken
Endring av planavgrensing ved Youngstorget
Utviding for å sikre fortau i fasaden i Møllergata 24 og Folkets hus mot Ring 1
Auke av byggehøgder på felt A1 og A2 (A-blokka)
Regel om fasadeelement utanfor formålsgrensa
Nye reglar som gjeld innplassering av inngangsparti og inngang til 22. juli-senter
Endring av regelområde for plassering av perimetersikring
Forskyving av nedkøyringsrampe til underetasje mellom G-blokka og Høgblokka
Etablering av mellombelse nedkøyringsramper i Grubbebakken og Møllergata ved nr. 11
Endring av omsynssoner kulturmiljø (Møllergata 13 og 13 B)
Etablering av omsynssone for å sikre energianlegg under grunnen.

På Youngstorget hadde høyringsforslaget ei avgrensing av planområdet og ei plassering og utforming av perimetersikringa (stenging for biltrafikk) for å legge til rette for ein meir fleksibel bruk av torget. Formålet var at ein større del av den daglege aktiviteten på Youngstorget skal kunne gå føre seg utan ekstern køyretøykontroll.

Etter dialog med kommunen og andre etter høyringa, er regelområdet for perimetersikringa på Youngstorget utvida. Dette opnar for at fleire ulike løysingar kan vere mogleg.