Feiringa markerte to viktige milepålar for byggeprosjektet Campus Ås: den freda Urbygningen frå år 1901 vart nemleg også offisielt opna under same arrangement.

Grunnsteinsskrinet som vart lagt ned, er ein tidskapsel frå året 2016. Det inneheldt, i tillegg til larven fransk hjarteorm og informasjon om denne, teikningar av bygget, profileringsartiklar frå dei involverte institusjonane, årets myntar og frimerke og invitasjonen til arrangementet.

Teknisk krevjande bygg

Veterinærbygget kjem som eit resultat av at veterinær- og dyrepleiarutdanninga vart ein del av NMBU 01.01.14 og skal flytte frå Adamstuen i Oslo.

Administrerande direktør i Statsbygg Harald V. Nikolaisen la i sin tale blant anna vekt på at dette er eit av dei mest teknisk avanserte bygga Statsbygg nokon gong har hatt ansvar for.

Heile 40.000kvadratmeter av bygget er laboratorium, dyreklinikkar og teknikk. Bygget er også unikt i den forstand at det skal handterast både friske og sjuke dyr innanfor same bygningskropp, noko om set store krav til smittevern.

Urbygningen

Den freda Urbygningen står i dag fram omtrent slik han såg ut ved ferdigstillinga i 1901, men har fått ein langt høgare teknisk standard, og tilfredsstiller no moderne krav til både tilgjengelegheit og inneklima.

Kunnskapsminister Torbjørn Røe Isaksen, rektor Mari Sundli Tveit, riksantikvar Jørn Holme, statssekretær Bård Folke Fredriksen, ordførar i Ås Ola Nordal og administrerande direktør i Statsbygg Harald V. Nikolaisen var alle svært begeistra over resultatet av den omfattande restaureringa av Urbygningen.

Rehabiliteringa har tatt over to år, og har bydd på utfordringar undervegs då det undervegs vart avdekt at bygget var i dårlegare forfatning enn forventa, men dette var gløymt no.

Romma har i stor grad fått tilbake utforminga frå den opphavlege utforminga, men undervisningsromma er blitt funksjonelle med moderne AV-utstyr, diskret belysning og også støydempande plater på veggene. I nokre av romma er det også lagt til rette for fjernundervisning, slik at studentar andre stader i inn- og utland kan følge undervisninga direkte på PC-ane sine.