Før vi eventuelt set i gang med eit byggeprosjekt, gir vi råd knytt til det som i byggebransjen blir kalla tidlegfase. Det vil seie at vi kjem med avgjerdsgrunnlag, først og fremst i form av ulike utgreiingar. Slik vurderer vi blant anna alternative måtar å løyse eit behov på, og måler kostnad opp mot nytte.

I tidlegfase fastset vi målet samfunnet og verksemda har med eit byggeprosjekt. Då avgjer vi også klima- og miljøambisjonar, arbeidsplasskonsept og lokalisering.

Nokre gonger må vi vurdere om staten skal eige eit bygg, eller om det er betre å leige lokale i den private marknaden. Staten leiger nesten halvparten av alle areala som statlege verksemder bruker. Årleg bruker staten oppunder 6 milliardar kroner på denne leiga.

Rådgivingstenesta vår hjelper statlege verksemder som leiger lokale i den private marknaden. I dette arbeidet har vi utvikla databasen Statens lokaler. Den viser at staten kan spare store beløp gjennom betre kontraktsvilkår, arealeffektivisering og riktig lokalisering. Samtidig kan klimafotavtrykket reduserast.

Her kan du lese meir om å leige i marknaden.

Byggeprosjekt

Mange statlege verksemder har heilt særeigne behov, som gjer at dei treng skreddarsydde lokale. Den norske opera og ballett er svært ulik frå Reiselivsmuseet i Balestrand, Frøkvelvet på Svalbard eller veterinærmiljøet på Noregs miljø- og biovitskaplege universitet på Ås.

Desse aktørane treng unike bygg eller større anlegg, skreddarsydde for verksemda deira. Slike prosjekt er vi såkalla byggherre for. Som byggherre organiserer, planlegg og gjennomfører vi byggeprosjekt på vegner av statleg sivil sektor.